रै गाडण जोगे

रै गाडण जोगे तनै यो के काम करया रै,

एक भुंडी सी छोरी खातर,

इतणा इज्जत दार, इतणा प्यारा सा बाबू,

तनै भरे गाँव में बदनाम करया रै,

रै गाडण जोगे तनै यो के काम करया रै,

आच्छा खासा पढ़या करदा,किसे गैल भी ना तू लडया करदा,

फेर तनै यो इसा माडा काम सरेआम करया रै,

रै गाडण जोगे तनै यो के काम करया रै,

यार-यार तू करया करदा,

यार बिना एक मिनट भी ना रहा करदा,

फेर तनै क्यूँ किसे बेवफा खातर,

अपणा यार यो दीप गुलाम करया रै,

रै गाडण जोगे तनै यो के काम करया रै,

चुपचाप सा सिम्पल बाणे मे रहा करदा,

अर हथियार ठाणा तो दूर कि बात,

तू तो लाडले हथियार के नाम त भी डरया करदा,

फेर तनै कुकर लाखों मडरा का किस्सा खुलेआम

करया रै,

रै गाडण जोगे तनै यो के काम करया रै,,!

~कुलदीप सभ्रवाल