बेसहारा का सहारा

 

https://youtu.be/x9hNw0BSFBg

★जे तु कवै माँ मैं आसमान का सितारा बणजूंगा

किसे बेसहारा का सहारा बणजूंगा

किश्मत का रोना मनै आंदा ना माँ

मैं तो सिधा-साधा किसे के ख्वाबां का बंजारा बणजूंगा...

जे तु कवै माँ मैं आसमान का सितारा बणजूंगा

किसे बेसहारा का सहारा बणजूंगा

★इस धरती प मानस कई डाल के पडे है

कई तो कोठी बंगल्या के सै मालिक

अर कई सडक़ प चादर बिछाये पडे है,

मैं तो इन बेघरां का सोपा अर बिसाला बणजूंगा..

जे तु कवै माँ मैं आसमान का सितारा बणजूंगा

किसे बेसहारा का सहारा बणजूंगा

★आदत ना सै मेरी किसे का दिल दुखाण कि

बस हर बार सोचता हूँ सबके काम आन कि

अर फेर भी किसे का दिल टुटा हो तो

उसके लिए यो दीप लोहारी दिल जोड़न आली गारा बणजगा...

जे तु कवै माँ मैं आसमान का सितारा बणजूंगा

किसे बेसहारा का सहारा बणजूंगा

★फिक्र सै मनैं मेरे इस लोहारी राघो गाम कि

युवा नशे में बरबाद होता जाण है लाग रहया

अर पंचायत ना सै किसे भी काम,

मैं तो इब ऐकला ए नशा मुक्ति का इशारा बणजूंगा...

जे तु कवै माँ मैं आसमान का सितारा बणजूंगा

किसे बेसहारा का सहारा बणजूंगा..!

~कुलदीप सभ्रवाल